Унда асосий жамоа дарвозабонлари мураббийи Абдусаттор Раҳимовдан тортиб то академияда тарбия топаётган энг ёш посбонгача жами 35та дарвозабон қатнашди. Тадбир “Бунёдкор”нинг асосий стадионида қарийб икки соатга яқин давом этди. Унда дарвозабонлар бу амплуа вакилларининг машғулотлар жараёнидаги ҳаракатлари нақадар машаққатли эканлигини амалда намойиш этиб беришди.

Очиқ машғулотни кузатиб борган “Бунёдкор” ФК Бош директори Бахтиёр Бобоев ва футбол мактаби директори Сергей Лушчаннинг тадбир ҳақидаги фикрлари билан қизиқдик.

Бахтиёр БОБОЕВ (“Бунёдкор” ФК бош директори):
- Бугунги тадбирни ташкил этишдан асосий мақсад ушбу амплуага бўлган қизиқишни янада кучайтиришдир. Мана кўриб турганингиздек, футбол мактабимизда тарбия топаётган ёш посбонлар Павел Бугало, Муроджон Зуҳуров, Акбар Тўраев сингари дарвозабонлар билан бирга шуғулланишиб, ўз тажриба захираларини бойитиб боришмоқда. Ўйлайманки, бугунги тадбир ёш дарвозабонларимиз учун фойдали бўлди.

Сергей ЛУШЧАН (“Бунёдкор” футбол мактаби директори):
- Биласизми, кейинги мавсумдан бошлаб Ўзбекистонда хорижлик дарвозабонлар лимити олиб ташланади. Шундай экан, дарвозабон амплуасига бўлган қизиқишни янада оширишимиз, ҳозирда дарвозабон сифатида шуғулланаётганларга ўз эътиборимизни кучайтиришимиз керак. Бугунги очиқ машғулотни ташкил этиб, “Бунёдкор” футбол мактабида шуғулланаётган ёш дарвозабонларга хурсандчилик улашдик, деб ўйлайман. Чунки Бугало, Зуҳуров ва Тўраев сингари дарвозабонлар билан бир сафда ҳамма ҳам машғулот ўтказишни истайди.

“Дарвозабон – ярим жамоа!” деб номланган очиқ машғулот ФОТОЖАМЛАНМАси билан танишишингиз мумкин.

“Бунёдкор” дарвозабонлар учун очиқ машғулот ўтказди