Жорий йилнинг июль ойида "Ўзбекнефтегаз" акциядорлик жамияти раҳбарияти ташаббусига кўра, 2023 йил март ойида бўлиб ўтадиган U-20 Осиё Кубоги ўйинлари, "Бунёдкор" футбол клуби ва Ўзбекистон миллий терма жамоасининг уй ўйинларини ўтказиш мақсадида "Бунёдкор" стадиони марказий майдонида таъмирлаш ишлари бошлаб юборилди.
Қисқа вақт ичида стадион майдони тўлалигича қайтадан барпо этилди. Майдон инженер коммуникациялари янгиланди ва майдон сатҳи 1 метрга кўтарилди. Янги маҳаллий иқлимга мос келувчи чим ётқизилди.
Ҳозирги кунда майдон атрофи ва захира футболчилари учун жойлар янгича замонавий услубда тайёрланмоқда.
Тинимсиз олиб борилган ишлар ташаббускори ҳамда ҳомиймиз бўлган "Узбекнефтегаз" АЖ бошқарув раиси, "Бунёдкор" ФК президенти Меҳриддин Раззоқович Абдуллаевга юртимиз футболи ривожига қўшаётган улкан ҳиссалари учун ўз миннатдорчилигимизни билдириб қоламиз," - деб ёзади стадион матбуот хизмати.
Изоҳлар