- “Бунёдкор” Осиё Чемпионлар лигасида кетма-кет тўққизинчи бор гуруҳ босқичида иштирок этмоқда. Эроннинг “Зоб-Аҳан” клуби эса умумий ҳисобда гуруҳ ўйинларида тўртинчи маротаба қатнашмоқда;

- “Бунёдкор” ва “Зоб-Аҳан” жамоалари бунгача 2010 йилги турнирнинг гуруҳ босқичида рўбарў келишган. Ҳар иккала баҳсда ҳам эронликлар ғалаба қозонишган – 0:1, 0:3;

- “Бунёдкор” ҳозирча Эрон клублари билан 16 маротаба рўбарў келган. Шуларнинг 5тасида “қалдирғочлар, 6тасида эронликлар зафар қучишган. Қолган 4 учрашувда эса кучлар тенг келган. Тўплар фарқи, 20:19, “Бунёдкор” фойдасига;

- “Зоб-Аҳан” эса Ўзбекистон клублари билан тўрт маротаба куч синашган. Исфахонликлар шуларнинг 3тасида ғалаба, биттасида мағлубият қайд этишган;

- “Бунёдкор” вакиллари Элдор Шомуродов, Отабек Шукуров ва Рустамжон Ашурматов ҳисобида биттадан огоҳлантириш бор. Агар улар яна биттадан сариқ карточка олишса, кейинги учрашувни ўтказиб юборишади;

- Исфахонликларга дастлабки икки турда умуман сариқ карточка кўрсатилмаган;

- “Бунёдкор” ички мусобақалардаги сўнгги икки учрашувини ғалаба билан якунлади. “Нефтчи” 2:0 ва “Сўғдиёна” 1:0 ҳисобларида мағлубиятга учратилди.

- “Зоб-Аҳан” эса Эрон чемпионатидаги сўнгги икки учрашувида 4 очко ишлади: меҳмонда “Нафт” клуби 1:0 ҳисобида мағлубиятга учратилди, уйда “Сайпа” билан 1:1 ҳисобидаги дуранг қайл этилди.

Бугунги учрашувни Петер Грин бошчилигидаги австралиялик ҳакамлар гуруҳи бошқариб боради.

Эслатиб ўтамиз, “Бунёдкор” – “Зоб-Аҳан” учрашуви 16 март куни “Бунёдкор” стадионида соат 18:00да бошланади.

“Бунёдкор” – “Зоб-Аҳан” учрашувига оид қизиқарли маълумотлар