«Янги мавсумга тайёргарликни бошлаган ва бошлаётган уч жамоамизнинг мураббийлар штабида ўзгариш рўй берди. 2024 йилги мавсумни «Бунёдкор-2» билан кўтаринки руҳда ўтказган Анвар Раҳимов бир йиллик танаффусдан сўнг яна ўринбосарларимизга — «Бунёдкор» U-21га устозлик қилади. Раҳимовнинг бўшаб қолган ўрни Суперлига клубларида фаолият олиб борган Денис Коростиченкога ишониб топширилди. «Бунёдкор» U-19 жамоасини янги мавсумга Ҳикмат Ҳошимов тайёрлайди. Анвар Раҳимов ўринбосарларимиз билан тайёргарликни бошлаган бўлса, Денис Коростиченко ва Ҳикмат Ҳошимов бугундан машғулотларга киришади», — дейилган «Бунёдкор» расмий каналида.
Изоҳлар