“Учрашувда биз назоратни йўқотгандек туюлди. Аммо ҳаммаси ундай бўлмади. Биз қўлимиздан келганича вазиятни ўз назоратимида ушлаб турдик. Қизил карточка вазиятни ўзгартириб юборди, аммо ўйлашимча, Кепа бир вазиятда бизни муқаррар голдан қутқарганини айтмасак, дарвозамиз олдида у қадар катта хавф юзага келгани йўқ.

Серхио Рамос эса шунчаки ажойиб футболчи. Термада ҳам, клубида ҳам. У дунёнинг энг кучли ҳимоячиси эди ва бундан кейин ҳам шундай бўлиб қолади. Биз у билан бирга ўйнаётганимиздан фахрланамиз”, дея Бускетснинг сўзларидан иқтибос келтирмоқда Marca нашри.

Эслатиб ўтамиз, Евро-2020 саралаш баҳслари доирасида Испания термаси сафарда Руминияни 2:1 ҳисобида таслим этди. Учрашувнинг 29-дақиқасида Серхио Рамос 11-метрлик жарима зарбасини голга айлантирди. Бу билан Рамос терма жамоа сафидаги голлари сонини 21 тага етказди ва Испания терма жамоаси тўпурарлари руйхатининг кучли ўнлигига киришга муваффақ бўлди.

Бускетс: “Рамос дунёнинг энг кучли ҳимоячиси эди ва бундан кейин ҳам шундай бўлиб қолади”