Таништирув маросимини Бухоро вилоят ҳокими, Бухоро футбол федерацияси президенти Ботир Зарипов очиб берди. Сўз аввалида республикамизда миллионлар ўйини бўлмиш футболга бўлган этибор учун ҳукуматимиз рахбариятига миннатдорчилик билдирилди.

Жамоа бош мураббийи Даврон Файзиев ўз сўзида Бухоро шаҳри жамоасига бош мураббийлик қилиши шараф эканлиги, шогирдлари ҳам масъулиятни ҳис қилиб, яхши ўйнаб, ҳар қандай рақибга қарши "жанг" қилишга тайёр эканини, бир пайтлар Бухоро мухлислари республикада етакчи, уй учрашувларида мухлислар сони бўйича Наманган, Қашқадарё мухлислари билан рақобатда бўлганларини эслади. Жамоага мухлисларни қўллаб-қувватлаши кераклигини, мухлисларни хурсанд қилиш учун қўлидан келган барча ишни қилишини айтди.

Маросим охирида жамоага янги келиб қўшилган футболчиларга уларнинг фамилиялари туширилган футбол формалари тантанали равишда топширилди. Ушбу футболчиларимиз янги мавсумда қуйидаги рақамларда тўп тепишади:

1. Рахат Жапаров

3. Азамат Исроилов

6. Бобур Қосимов

9. Даврон Исоқов

10. Шавкат Саломов

11. Санъат Шихов

13. Амиржон Сафаров

14. Рустам Абдуҳамидов

15. Шоҳрух Ҳолматов

16. Алишер Саноев

18. Қаҳрамон Баҳодиров

22. Абдужамол Исроилов

24. Жасур Ўринов

34. Ҳакимхон Аламхонов

65. Марко Милич

"Бухоро" жамоаси тақдимот маросими ўтказди