Унда Ўзбекистон футбол ассоциацияси мутасаддилари, Бухоро футбол ассоциацияси Ижроқўм аъзолари, делегатлар ва оммавий ахборот воситалари вакиллари иштирок этди.

Мазкур Конгрессга делегатлар сифатида Бухоро вилояти туман (шаҳар)лар футбол ассоциациялари президентлари, вилоят бошқарма ва ташкилотлар раҳбарлари, Ўзбекистон Про-лига ва Биринчи лига мусобақаларида иштирок этувчи футбол клублари, вилоят футбол маҳорат мактаби, болалар ва ўсмирлар футбол мактаби вакиллари ҳамда футбол фахрийлари таклиф этилди.

Конгресс аввалида Бухоро футбол ассоциацияси томонидан 2020 йил давомида амалга оширилган ишлар ҳисоботи эшитилди ва 2021 йилги бюджети тасдиқланди.

Конгресс кун тартибига кўра вилоят футбол ассоциацияси Ижроия қўмитасига номзодлар овоз бериш йўли билан сайланди. Шунингдек, Бухоро вилояти ҳокими в.б. Ботир Зарипов вилоят футбол ассоциацияси президенти, Фаррух Ҳамроев ассоциацияси биринчи вице-президенти ҳамда вилоят Ички Ишлар бошқармаси бошлиғи Шуҳрат Алиев ассоциацияси вице-президенти этиб тасдиқланди.

Конгрессда сўз олган Ўзбекистон футбол ассоциацияси вице-президенти Шоакрам Исроилов Бухоро футболининг ўзига хос тарихи борлигини, унинг ана шу тарихий анъаналарини қайта тиклаш зарурлигини айтиб ўтди.

Бухоро вилояти ҳокими Ботир Зарипов сўнгги йилларда халқимизнинг саломатлиги тўғрисида ғамхўрлик қилиш, маънавий ва жисмоний баркамол авлодни шакллантириш, миллионлар ўйини бўлган ва мамлакатимизда алоҳида ўрин тутадиган спортнинг футбол турига аҳолини, айниқса, ёшларни кенг жалб этиш бўйича бир қатор чора-тадбирлар амалга оширилиб келинаётганлиги алоҳида таъкидлади.

Тадбир якунида вилоят футбол ассоциацияси моддий техник базасини яхшилаш ва унинг фаолиятини оммавий ахборот воситаларида кенг ёритилишини таъминлаш мақсадида ЎФА томонидан техник жиҳозлар ва зарур ўқув қўлланмалар тақдим этилди.

Бухорода вилоят футбол ассоциациясининг навбатдаги Конгресси ўтказилди