Жамоа аъзолари кунига икки маҳалдан машғулот ўтказмоқда. Авввал хабар бериб ўтганимиздек, жамоамиз бир қатор клубларга қарши назорат учрашувларини ўтказишни режалаштириб қўйган. “Цементчи” икл ўртоқлик учрашувини Хаққулободнинг "Норин" жамоасига қарши ўтказади.

Ушбу учрашув гарчи ўртоқлик мақоми остида бўлсада “Норин” бизнинг энг асосий рақибимиз эканлиги, қолаверса яқиндагина январ ойида ўтказилган “Ҳоким кубоги-2017” мусобақасида жамоамиз устидан ғалаба қозонганлиги (1:0), ундан ташқари ушбу клуб таркибида ўтган мавсумларда “Цементчи”нинг асосий футболчилари бўлган Шукур Жумабоев ва Элёр Акбаровларнинг собиқ жамоасига қарши Қувасойда майдонга тушиши ушбу учрашувга мухлисларимизнинг қизиқишларини янада ошишига сабаб бўла олади.

Демак, жамоамизнинг ўйинларини соғиниб қолган барча ҳамшаҳарларимиз ва мухлисларимизни 15 март Чоршанба куни марказий “Цементчи” стадионида бўлиб ўтадиган “Цементчи” - “Норин” ўртоқлик учрашувига таклиф этамиз!

“Цементчи” матбуот ходими Зухриддин Абдуллажонов

“Цементчи”: "Норин" билан ўйинда жамоамизни қўллаб-қувватланг!