Йиғин давомида ўтган мавсумда жамоада ҳаракатланган ва ҳозирда шартнома муддати якунига етган бир қатор футболчилар билан дўстона хайрлашилиб, таркибга эса бир қатор янги футболчилар таклиф этилди.

Бугунга қадар жамоа таркибига “Қизилқум” жамоасидан Шукурали Пўлатов ва Отабек Исроилов, сўнгги жамоаси “Бухоро”да ўзининг ажойиб хатти-ҳаракатлари билан яхши таассурот қолдирган дарвозабон Сардор Қобулжонов, “Навбаҳор”дан фарғоналикларга яхши таниш бўлган Аббосбек Махсталиев ва Саиджон Абдужабборов, “Бунёдкор” ёшлар жамоаси аъзоси Иброҳим Ғофуров, ўтган мавсумда “Андижон” таркибида ишончли ўйинлар ўтказган ҳимоячи Қаҳрамон Муҳаммаджонов ва ўтган мавсумни Малайзиянинг АТМ жамоасида ўтказган яна бир фарғоналик ҳимоячи Иқбол Бобохоновлар келиб қўшилган.

Кечаги машғулотларга Жиззахнинг “Сўғдиёна” жамоасидан Сардор Қаҳҳоров ҳам келиб қўшилди.

Ушбу футболчиларнинг баъзилари билан жамоа келишувга эришди, йиғин давомида мураббийларда ижобиий таассурот қолдирган бошқа футболчилар ҳам жамоа таркибига киритилиши мумкин.

Ҳозирда мураббийлар жамоага яна бир нечта футболчиларни таклиф этишган, тез кунда ушбу футболчилар ҳақида ҳам маълумотларни бериб борамиз.

“Цементчи”да бир қатор тажрибали футболчилар кўрикдан ўтмоқда ФОТО