Бугунги ҳар икки ўйинда ҳам минимал ҳисоб қайд этилди. Вадим Абрамов бошчилигидаги "Бунёдкор" жамоаси ўз майдонида Бахтиёр Ашурматов устозлигидаги "Қўқон-1912"ни 1:0 ҳисобида мағлуб этди. Навоийда эса Миржалол Қосимов қўл остидаги АГМК янги бош мураббий Тачмурод Агамуродов қўлига ўтган "Қизилқум"ни таслим қилди - 1:0.

Ҳар иккала учрашув якунланганидан кейин "Championat.asia" офисида одатдагидек "Тезкор студия" тасвирга олинди.

Видео "Тезкор студия": "Бунёдкор" ва АГМК ғалабага муносибмиди? Абрамов жамоасининг муаммоси нимада?

Унда олдин хабар берганимиздек яқин ўтмишнинг ажойиб футболчиларидан бири Леонид Кошелев эксперт сифатида қатнашди. Дастур давомида сайтимиз таҳлилчилари Леонид Кошелев ва Толибжон Қосимов ҳар иккала баҳснинг энг яхши ўйинчиларини аниқлашди.

Профессионаллик сари қадам — машҳур юлдузлар «CА» ва «Тезкор Студия»да эксперт сифатида иш бошлайди

"Бунёдкор" - "Қўқон1912" (1:0) учрашувида энг яхши футболчи деб бир овоздан "қалдирғочлар" ярим ҳимоячиси Расул Йўлдошев тан олинди. Бугун 90 дақиқа тўп тепган Йўлдошев жуда яхши таассурот қолдирди ва майдон маркази тўлиғича жамоаси назоратида бўлишида катта ҳисса қўшди.

"Қизилқум" - АГМК (0:1) беллашувида ҳам Кошелев ва Қосимов олмалиқликлар вингери Элгужа Григалашвилини энг яхши деб топишди. Грузиялик ўйин давомида жуда фаол бўлди ва жуда муҳим 3 очкони олиб берди.

Сизнингча, бугунги икки учрашувда ким энг яхши ўйинчи бўлди? Фикрларингизни изоҳларда ёзиб қолдиришингиз мумкин.

"Championat.asia" экспертлари Суперлиганинг бугунги 2 ўйинида энг яхшиларни аниқлашди