Миср ОАВ хабарига кўра, “Ал Аҳли” 28 ёшли ўзбекистонликни 600 минг долларга сотиб олиш ҳуқуқи билан ижарага олади ва тўла трансфер 2 млн долларга амалга ошади. Машарипов янги жамоасида йилига 1,5 млн доллар ишлаши тахмин қилинмоқда.
“Championat.asia” сайти Жалолиддинга алоқага чиқди ва у мазкур харид амалга ошганини тасдиқлади. Томонлар ўртасида шартнома бўйича охирги бандларни келишиш қолган ва трансфер тез орада эълон қилинади.
Шунингдек, вингер Instagram'даги расмий аккаунти орқали “қизил иблислар” (Қохира клуби лақаби)нинг саҳифаларини кузатишни бошлади.
Жалолиддин Машарипов ўтган мавсум Саудия Арабистони чемпионатида 26 баҳсда қатнашиб, 5+3 натижа кўрсатди. Футбол тарихидаги энг совриндор клуб (118 титул) ҳисобланган “Ал Аҳли” эса Миср чемпионати бу мавсумида 32 турдан кейин 67 очко билан турнир жадвалида 3-ўринда бормоқда. 76 очкога эга “Замалек” аллақачон чемпионлик масаласини ҳал қилиб қўйган.
Изоҳлар