Кечаги тақдирлаш маросимидан сўнг Абдувоҳид Неъматовга эксклюзив махсус совғаси ҳисобланган эсдалик альбоми топширилди. Ушбу альбом фақат энг яхшиларга топширилмоқда. Олдинроқ championat.asia талқинига кўра энг яхши мураббий Шота Арвеладзе, энг яхши футболчи Жалолиддин Машарипов ва тўпурар Драган Черан ҳам ушбу альбомни қабул қилиб олганди. Сўнгги лауреат йилнинг энг яхши ёш футболчиси Ҳусайин Норчаев ҳам тез орада сайтимиз томонидан тақдирланади.
"Насаф" дарвозабони Абдувоҳид Неъматов бу йилни кўтаринки кайфиятда ўтказди. "Насаф"ни ўз пайтида Элдорбек Суюнов, Санжар Қувватов, Ўткир Юсупов каби посбонлар тарк этган бўлишига қарамай, клуб дарвозабондан қийналиб қолмади. Бу йил эса Абдувоҳид ярқ этиб порлади. У бир нечта ўйинларда жамоасини муқаррар голлардан сақлаб қолди, шунингдек "Қўқон-1912" билан кечган баҳсда Мурод Холмуҳаммедовнинг пенальтидан йўллаган зарбасини қайтаришга муваффақ бўлди. Неъматов Ўзбекистон миллий терма жамоасида ҳам дебют қилишга муваффақ бўлди. Неъматов чемпионатда энг кўп қуруқ ўйин ўтказган дарвозабон бўлди.
Абдувоҳид Раҳимжон Давронов ("Машъал") ва Ўткир Юсупов ("Навбаҳор") каби посбонларни ортда қолдирди.
Суперлигадаги статискаси: 17 ўйин, 1465 дақиқа, 10та гол ўтказди. 12та қуруқ ўйин, 1та пенальти қайтарди.
Изоҳлар