Томас Тухель жамоаси охирги икки ўйинда 7 та гол ўтказиб юборишди. "Аристократлар" 2 апрель куни АПЛ доирасида "Брентфорд"га имкониятни бой берганди (1:4), Чемпионлар Лигаси 1/4 финалида эса энди "Реал" лондонликлар дарвозасига 3 та гол урди. Ҳар икки баҳсда дарвозани Эдуар Менди қўриқлади.

Икки ўйинда 7 та голни "кўклар" 2018 йил январь-февраль ойидан буён қўйиб юбормаганди. Ўшанда пойтахтликлар чемпионат доирасида "Борнмут" (0:3) ва "Уотфорд"га (1:4) имкониятни бой берганди.

Навбатдаги баҳсда "Челси" 9 апрель куни "Саутгемптон"га қарши майдонга тушади.

"Челси" 2018 йилдан бери илк бор 2 ўйинда 7 та гол ўтказиб юборди