Лондон клуби вакиллари "Барселона" билан 25 ёшли футболчининг трансфери борасида суҳбатлашган. Сўнгги бир неча ҳафта давомида "Барселона" билан алоқада бўлиб турган "Челси" барча ишни бир йўла ҳал қилмоқчи.

Бироқ "Челси" фақатгина футболчи розилик бергандагина "Барселона"га таклиф жўнатмоқчи. Чунки улар футболчининг ўзи истамаса, музокараларга куч сарфламоқчи эмас. Рафинья ҳамда Жюль Кунденинг трансфер иши ўхшамагандан кейин "Челси" яна бир зарба қабул қилиб олишни истамаяпти.

Олдинроқ "Манчестер Юнайтед" таклифига рад жавобини берган Френки эса "Барселона" билан шартномасини охиригача етказиб қўйишни истамоқда. Унинг клуб билан келишуви яна 4 мавсум амал қилади.

Айни дамда Френки учун МЮ ўйиндан чиққан ва "Челси" уни таркибига қўшиб олишни истаётган ягона даъвогар бўлиб турибди.

"Челси" "Барселона"га таклиф жўнатади