25 ёшли бельгиялик футболчининг Лондон клуби билан келишуви 2022 йил ёзида якунланган ва шундан кейин ватанига қайтиб, "Зюлте-Варегем" билан музокаралар олиб бораётганди. Музокаралар икки томон учун муваффақиятли тугади, аммо шундан кейин бир неча ҳафта ўтган бўлса-да, Мусонда кўриниш бергани йўқ.

"Мусонда қачон машғулотларга қўшилади? Билмайман.
У билан хайрлашамизми ёки ҳамкорликни давом эттирамизми, билмайман. Орадан икки ҳафта ўтди, у биз билан алоқага ҳам чиқмади, ҳеч қанақасига боғланиб бўлмади. Шу сабабли ҳозир қўл остимиздаги жамоага эътибор беряпмиз", - деди Эдди Кордье.

Мусонда "Андерлехт" тарбияланувчиси ҳисобланади. 16 ёшлигида "Челси"га ўтган футболчи жамоада асосийга айлана олмади. Шу сабабли "Бетис", "Селтик", "Витесс" каби клубларда ижарада ўйнади.

"Челси"нинг собиқ футболчиси йўқолиб қолди