Мазкур учрашувга оид бир қанча қизиқарли маълумотларни эътиборингизга ҳавола қиламиз.

1. "Пахтакор" навоийликлар устидан Суперлигадаги 38 ғалабасини қўлга киритди. "Қизилқум" эса 2017 йилдан бери ҳали очко олишни уддасидан чиққани йўқ.

2. 2004 йилда туғилган Рустам Турдимуродов бугун "Пахтакор" либосида Суперлигада дебют қилди. У 90+3 дақиқада Драган Чераннинг ўрнига майдонга туширилди.

3. Драган Черан жорий йил "шерлар" либосида Суперлигадаги 6 голини урди.

4. "Пахтакор"нинг Суперлигадаги мағлубиятсиз серияси давом этади. Ҳозирча Славче Войнески шогирдлари 5та дуранг, 5та ғалаба қайд этишган.

5. "Қизилқум" Суперлигадаги 4 мағлубиятини қабул қилиб олди.

6. Шавкат Насибуллаев бу йил "Қизилқум" иштирокидаги иккинчи ўйинда ишлади. Барчасида Навоий шаҳри жамоаси мағлубиятга учради, АГМК 1:4, "Пахтакор" 0:2.

7. Сардор Рашидов ҳам 12-турга келиб голлари сонини очди. Жорий йил ҳисобидан Суперлигадаги илк голини "Қизилқум"га урди.

8. Драган Черан "Қизилқум" билан ўзаро ўйинлардаги "Пахтакор" таркибидаги 7 голини урди. Бу борада энг яхши кўрсаткич Зайниддин Тожиевда,8та гол.

Черан Тожиевга яқинлашди — "Қизилқум" - "Пахтакор" учрашувидан 8та факт