ПФЛ маълумотига кўра, бу ўйинларни томоша қилиш учун стадионларга жами 28 634 нафар мухлис ташриф буюрди.

Бу ҳар бир баҳсга ўртача 4 090 томошабин келганини англатади.

Энг кўп мухлис Андижонда ўтган "Андижон" - "Машъал" учрашувига келди - 8 524. Бу борада иккинчи натижа Қўқонда қайд этилди. "Қўқон-1912" - "Бунёдкор" учрашувига 6 542 нафар мухлис ташриф буюрди.

Учинчи натижа эса Қаршидаги "Насаф" ва "Турон" жамоалари ўртасидаги учрашувга тегишли бўлди. Шу куни "Марказий" ўйингоҳга 5 878 киши келди.

Турнинг марказий учрашуви Олмалиқда ўтказилган бўлиб, унда АГМК ва "Навбаҳор" жамоалари тўқнаш келишди. Мазкур баҳсга 4 411 нафар томошабин келган.

Ўтган турда бўлгани каби бу турда ҳам 2021 йилдаги энг паст кўрсатки янгиланди. Тошкентдаги "Пахтакор" - "Металлург" баҳсида 413 киши бевосита стадиондан ўйинни кузатди.

Coca Cola Суперлига. 4-турда томошабинлар ташрифи:

"Андижон" - "Машъал" - 8 524 томошабин

"Сўғдиёна" - "Сурхон" - 1 842 томошабин

"Қўқон-1912" - "Бунёдкор" - 6 542 томошабин

"Пахтакор - "Металлург" - 413 томошабин

АГМК - "Навбаҳор" - 4 411 томошабин

"Локомотив" - "Қизилқум" - 1 024 томошабин

"Насаф" - "Турон" - 5 878 томошабин

Coca Cola Суперлига. 4-турда томошабин бўйича "Андижон" етакчи, Тошкентда эса антирекорд янгиланди