Coca Cola Суперлига. 17-тур
АНДИЖОН – БУХОРО
25 сентябрь 2020 йил. Андижон. "Соғлом Авлод" стадиони. 17:00
Ҳакамлар: Жасур Мухторов, Тимур Галеев, Бектурсин Канназаров, Санжар Назаров
Назоратчи: Бахтиёр Намозов
Комиссар: Ойбек Юнусов

Бу жамоалар ҳозирга қадар Ўзбекистон чемпионати доирасида 47 марта тўқнаш келишган. 21 марта "Бухоро", 13 марта "Андижон" зафар қучган. Қолган 13та баҳсда дуранг қайд этилган. Бухороликлар ўзаро ўйинларда 79та гол уриб, 62та гол ўтказиб юборишган.

Иккита охирги ўзаро ўйинда "Бухоро" бу жамоани юта олмаяпти - 1та дуранг, 1та мағлубият.

Биринчи даврада "Бухоро" мезбонлигида ўтган баҳсда 2:2 ҳисоби қайд этилганди.

МЕТАЛЛУРГ – ЛОКОМОТИВ
25 сентябрь 2020 йил. Бекобод. "Металлург" стадиони. 17:00
Ҳакамлар: Равшан Абдувоҳидов, Санжар Шоюсупов, Алишер Усмонов, Абдурашид Худойберганов
Назоратчи: Андрей Тамбовцев
Комиссар: Жаҳонгир Раҳматуллаев

Бу клублар бугунгача Ўзбекистон чемпионатида ўзаро 33 марта ўйнашган. 18та учрашувда "темирйўлчилар", 5та баҳсда бекободликлар ғолиб бўлишган. Қолган 10та ўйинда дуранг кузатилган.

"Локомотив" ўзаро баҳсларда 55та гол урган, "Металлург" ҳисобида 28та гол бор.

"Локомотив" кетма-кет учта ўйиндан буён "Металлург"ни юта олмаяпти - 2та дуранг ва 1та мағлубият.

Биринчи даврада Тошкентда ўтган баҳсда "Металлург" 3:0 ҳисобида ғалаба қозонган эди.

Coca Cola Суперлига. Бугун 17-тур бошланади. Андижон ва Бекободда қизиқарли ўйинлар бор