"Бухоро" — "Турон" 2:3

- "Бухоро" чемпионат доирасидаги кетма-кет 6-учрашувда мағлубият аламини татиб кўрди. Воҳаликлар охирги марта май ойида "Металлург"га қарши баҳсда очко қўлга киритганди;

- "Бухоро" чемпионат доирасида сўнгги 13 ўйиннинг 12 тасида ғалаба қозона олмади;

- Биринчи даврани "Бухоро" таркибида ўтказган Файзулло Жуманқўзиев иккинчи давранинг илк ўйинини "Турон" таркибида собиқ жамоасига қарши ўтказиб, ўз ҳисобига битта гол ва ассист ёздириб қўйди.

- "Турон" жорий мавсум чемпионат доирасидаги илк ғалабасини тантана қилди. Яйпанликлар Суперлигадаги охирги ғалабасига 2021 йилнинг ноябрида эришганди.

- "Бухоро" жорий мавсум орттириб олган учта қизил карточкасининг иккитаси "Турон"га қарши ўйинда содир бўлди. 1-тур дорасидаги баҳсда кечаги ўйин қаҳрамонларидан бири Файзулло Жуманқўзиев майдондан четлатилганди.

- "Турон" Суперлигадаги иштироки тарихида илк маротаба рақиб дарвозасини уч маротаба ишғол қилишни уддалади.

- Файзулло Жуманқўзиев собиқ жамоасига қарши баҳсда 2 очко (1+1) ишлади. Биринчи даврада у бухороликлар сафида бирорта самарали ҳаракат амалга оширмаганди. Шунингдек, у охирги голини ўтган йилнинг май ойида "Арал" дарвозасига урганди.

- Шоҳмалик Комилов ҳам бир йил деганда Суперлига доирасида ўз ҳисобига гол ёздириб қўйди. Ярим ҳимоячи охирги марта ўтган йилнинг июнида "Динамо" сафида рақиб дарвозасини ишғол қилишга муваффақ бўлганди. Шунингдек, у жорий мавсум кубок доирасида "Насаф" аъзоси сифатида гол уришга муваффақ бўлган.

- Шоҳрўз Норхонов 12 ўйинлик голсиз серияга якун ясади. Ҳужумчи охирги марта 1-турда "Навбаҳор" либосида гол уришни уддалаганди.

- Маҳмуд Жўрабоев ва Асадбек Саидхонов Суперлигадаги дебют голини урди.

- "Турон" "Бухоро"га қарши баҳсда ушбу мавсум бир ўйин давомидаги энг кўп зарба ва аниқ зарбасини йўллади (14 га монанд 8 зарба).

"Олимпик" — "Пахтакор" 0:2

- "Пахтакор" Суперлига доирасида илк маротаба "Олимпик"ни мағлубиятга учратди.

- Жамоаларнинг чемпионат доирасидаги ўзаро тўртта учрашувида камида иккита тўп киритилди;

- "Олимпик"нинг чемпионат доирасидаги ғалабасиз серияси 4 тага етди.

- "Олимпик" чемпионат доирасида ўз майдонидаги 7 ўйиннинг 6 тасида ғалаба қозона олмади.

- "Олимпик" чемпионат доирасида охирги 11 та ўйинда 1 тадан кўп гол урмаган.

- "Пахтакор" чемпионат доирасида сўнгги 11 та ўйиннинг 10 тасида ғалаба қозонди;

- "Пахтакор" чемпионат доирасида сафардаги сўнгги 5 та ўйинда ғалаба қозонди;

- "Пахтакор" чемпионат доирасида кетма-кет 19 ўйиндан бери рақиб дарвозасини ишғол қилмоқда, пойтахтликлар охирги марта ўтган йилнинг октябрида "Насаф" дарвозасини ишғол қила олмаганди.

- "Пахтакор"нинг чемпионат доирасидаги мағлубиятсиз серияси 11 та ўйинга етди.

- "Пахтакор" футболчиларига ҳар тўрт ўйин оралиғида қизил карточка кўрсатилмоқда. Ёдингизда бўлса, "шерлар" бундан аввалги жазо карточкасини 10-турда, ундан ҳам аввалгисини эса 6-турда ишлаб олганди. Қизиқ томони, пойтахтликлар мазкур уч ўйиннинг барчасида ғалаба қозонди.

- Диёр Холматов икки йилдан сўнг Суперлигада гол урди. У чемпионатдаги охирги голини 2021 йилнинг май ойида "Қўқон-1912" дарвозасига урганди.

- Драган Черан охирги 5 та мавсум Суперлигада 10 та ва ундан кўп гол урган ягона футболчига айланди.

- Драган Черан "Қизилқум" ва "Бухоро" жамоаларидан кўпроқ гол урди.

- Жорий мавсум Ильгиз Танташев бошқарган уч ўйинда ҳам "Олимпик" мағлубиятга учради.

"Андижон" — "Насаф" 0:0

- Жамоалар ўртасида чемпионат доирасида сўнгги 7 ўйиндан бери давом этиб келаётган голли серияга барҳам берилди.

- "Андижон"нинг чемпионат доирасидаги мағлубиятсиз серияси 5 та ўйинга етди;

- "Насаф" эса чемпионат доирасида сўнгги 12 ўйиннинг 11 тасида ютқазмади.

- "Насаф" жорий мавсум чемпионат доирасида сафардаги барча ўйинларда гол уриб келаётганди, ушбу серия бузилди.

- Жамбул Жигаури Суперлигадаги дебют учрашувида майдондан четлатилди.

- "Насаф" футболчиларига ҳам ҳар тўрт ўйинда қизил карточка кўрсатилмоқда. Бундан аввалги жазо чораси 10-турда қўлланилган бўлса, ундан ҳам аввалгиси 6-турда (қаршиликларнинг икки нафар футболчиси четлатилган) қайд этилганди.

- "Насаф" тарихда илк маротаба бир мавсум давомида "Андижон" дарвозасига бирорта гол уролмади.

"Нефтчи" — "Металлург" 1:0

- "Нефтчи" чемпионат доирасида 16 ўйиндан бери мағлубиятга учрамаяпти, фарғоналиклар сўнгги марта ўтган йилнинг ноябрида ОКМКга имкониятни бой бериб қўйган.

- "Металлург" чемпионат доирасида сўнгги 8 ўйинда ўз дарвозасидан тўп ўтказиб юборди.

- Аббос Ғуломов икки йилдан кейин яна Суперлигада гол урди. У охирги маротаба 2021 йил "Навбаҳор" таркибида "Қўқон-1912" дарвозасини ишғол қилганди.

- Умар Адҳамзода учинчи голи узатмасини ҳисобига ёздириб қўйди. Ўтган йили у бутун мавсум давомида шунча ассист қайд этганди.

"Нефтчи" бир ўйин давомидаги энг кўп зарбани мазкур ўйинда қайд этди — 15 та.

ОКМК — "Сурхон" 2:3

- Чемпионат доирасида ўзаро барча қарама-қаршиликда мухлислар гол кўрмоқда.

- ОКМК чемпионат доирасида ўз майдонида "Сурхон"га қарши барча ўйинда ғалаба қозонаётганди, кеча ушбу анъана бузилди.

- "Сурхон"нинг ОКМКга қарши 7 ўйиндан иборат мағлубиятли сериясига ҳам чек қўйилди.

- ОКМК чемпионат доирасида ўз майдонидаги барча ўйинда гол урмоқда, кеча ҳам бу серия давом этди;

- "Сурхон" жорий мавсум чемпионат доирасида сафардаги ўйинларда илк ғалабасини тантана қилди;

- "Сурхон" чемпионат доирасида сафардаги охирги 3 та ўйинда гол урмаганди, ушбу серияга ҳам барҳам берилди.

- Сильванус Нимели биринчи даврада ҳам ОКМК дарвозасига тўп киритишни уддалаганди.

"Бунёдкор" — "Сўғдиёна" 0:2

- "Бунёдкор" чемпионат доирасида кетма-кет 9-ўйинда ғалаба қозона олмади.

- "Бунёдкор" чемпионат доирасида сўнгги 6 ўйиннинг 5 тасида ютқазди.

- "Бунёдкор" чемпионат доирасида жорий мавсум ўз майдонида ғалаба қозона олмаяпти.

"Қизилқум" — "Навбаҳор" 1:2

- "Қизилқум" чемпионат доирасида кетма-кет 8-марта "Навбаҳор"ни мағлуб эта олмади.

- "Қизилқум" чемпионат доирасида ўз майдонидаги сўнгги 5 та ўйинда "Навбаҳор"ни енга олмади.

- "Қизилқум" сўнгги 12 ўйиннинг 1 тасида ғалаба қозонди.

- "Навбаҳор"нинг чемпионат доирасидаги мағлубиятсиз ўйинлари сони 9 тага етди.

- Жамшид Болтабоев биринчи даврада ҳам "Қизилқум" дарвозасини ишғол қилганди.

- Ислом Кенжабоев ўтган мавсум Суперлигада қайд этган голлари сонини (3 та) иккинчи давранинг бошидаёқ такрорлади.

- Жасур Яхшибоев кечаги ўйинда жамоаси зарарига пенальти ишланишига сабабчи бўлди, рақиб дарвозасини пенальтидан ишғол қила олмади, кейинчалик ўйиндан ва ўйиндан ташқари ҳолатда гол урди.

- Жорий мавсум "Навбаҳор" дарвозаси томон илк маротаба пенальти белгиланди.

Coca Cola Суперлигаси. 14-турга оид қизиқарли фактлар