Сайтимиз ўз анънасига содиқ қолган ҳолда тур лауреатларини аниқлади.

"Пахтакор" дарвозабони Элдорбек Суюнов якунланган турда "Қўқон-1912" билан баҳсда ажойиб ўйнади. Қўқонликларнинг кўплаб ҳужумлари ва зарбаларидан кейин Суюнов жамоасини голлардан қутқариб қолди ва ҳақли равишда championat.asia талқинига кўра 23-турнинг энг яхши дарвозабони деб топилди.

"Навбаҳор" ҳужумчиси Забиҳилло Ўринбоев "Сурхон" билан баҳсда чиройли гол уришга муваффақ бўлди. Ислом Рашидхонов узатган тўпни эгаллаб олган ҳужумчи жарима майдони ташқарисидан дарвозабоннинг устидан дарвозага жойлаб қўйди. Шу тариқа Забиҳилло Ўринбоевнинг голи Championat.asia талқинига кўра турнинг энг чиройли голи деб топилди.

Бу турда "Локомотив" ўз майдонида АГМКни қабул қилди. Унда "Темирйўлчилар" биринчи тайм сўнггида гол ўтказиб юборишди ва ҳисобда ортда қола бошлашди. Захирадан майдонга тушган тажрибали Марат Бикмаев дастлаб пенальтидан сўнгра ҳакам томонидан қўшиб берилган дақиқаларда ўйиндан голлар уриб "Локомотив"га иродали ғалабани келтирди - 2:1. Шу боис Championat.asia талқинига кўра Марат Бикмаев 23-турнинг энг яхши футболчиси деб топилди.

Бу тур "Сўғдиёна" Жиззахда иккинчи ўринда бораётган "Насаф"ни қабул қилиб 3:1 ҳисобида ғалабага эришди. Кумуш медаллар учун кураш олиб бораётган "Аждарлар"ни мағлуб этган "Сўғдиёна" шу куни жуда яхши ўйнади. Championat.asia талқинига кўра жиззахликлар устози Улуғбек Бақоев 23-турнинг энг яхши мураббийи деб топилди.

Coca Cola Суперлигаси. 23-тур лауреатлари