Бу ҳақда ЎзПФЛ матбуот хизмати хабар берди.

"Томонлар икки йилга мўлжалланган янги келишувга эришди.
Биз Coca-Cola бренди билан 2019 йилги мавсумдан буён ҳамкорлик қилиб келамиз. Сўнгги беш мавсум давомида Coca-Cola Ichimligi Uzbekiston LTD Лиганинг икки асосий мусобақасига ҳомийлик қилди. Эндиликда компания нафақат профессионал футбол, балки шу орқали оммавий футбол ривожига ҳам ҳисса қўшишни ният қилган. Бунинг фонида ҳаваскорлар ўртасида ҳам қатор мусобақалар ташкил этилади. Шунингдек, Coca-Cola Ichimligi Uzbekiston LTD Ўзбекистон кубоги мусобақасининг титул ҳомийси бўлишда давом этади.
Coca-Cola билан ҳамкорликда Ўзбекистон кубоги Лига томонидан янги босқичга олиб чиқилди. Айнан шу ҳамкорлик самараси ўлароқ, Ўзбекистон кубогининг финал учрашувлари мезбони 2020 йилдан бошлаб шаффоф қуръа орқали аниқлаб келинмоқда. Ўз навбатида финал учрашувлари вилоятларда юқори кайфият ва байрамона руҳда ўтказиб келинмоқда", - дейилади лига баёнотида.

Coca-Cola ва Лига ҳамкорлиги кейинги икки йилда ҳам давом этади