Жамоалар Қозон шаҳридаги "Ак Барс Арена" стадионида ўзаро баҳс олиб боришди.
Ўйин тақдирини Москва жамоаси томонидан урилган ягона гол ҳал қилди. 48-дақиқада ЦСКА ҳимоячиси Игорь Дивеев бурчакдан узатилган тўпни рақиб дарвозасига киритди.
Шу тариқа ЦСКА Россия Суперкубоги - 2025 ғолибига айланди. Клуб ўз тарихида саккизинчи марта ушбу совринни қўлга киритди. Фақат "Зенит" (9) Суперкубокни кўпроқ ютган. "Краснодар" клуб тарихидаги иккинчи совринни қўлга киритиш имкониятини бой беришди. "Буқалар" ўтган мавсум илк бор мамлакат чемпиони бўлишди.
"Армиячилар" сафида ярим ҳимоячи Аббос Файзуллаев 79-дақиқада захирадан ўйинга қўшилди.
Изоҳлар