Бу ҳақда "Todofichajes" хабар берди.

Алабанинг асосий вариантлари Саудия Арабистони клублари бўлиб, улар тажрибали футболчини сафига қўшиб олишдан мамнун бўлади. Алабанинг "Реал"даги маоши, яъни йиллик 23 миллион еврони инобатга олсак, араб клублари унга янада фойдалироқ шартнома таклиф қилишлари мумкин.

Алабанинг кетишига сабаб бўлувчи ҳолатлар унинг хочсимон боғлами йиртилганидан кейинги ёмон формаси ва "Реал" ҳимоясидаги кучли рақобатдир. У жароҳатидан кейин аввалги даражасига қайтмади.

Давид Алаба 1 апрель куни Испания Кубоги ярим финал учрашувининг 72-дақиқасида автогол муаллифига айланди, аммо Мадриднинг “Реал” клуби барибир турнир финалига чиқишга муваффақ бўлди. 26 апрель куни бўлиб ўтадиган ҳал қилувчи баҳсда жамоа "Барселона" билан тўқнаш келади.

Давид Алаба рақобат туфайли "Реал"ни тарк этиши мумкин