Мазкур мусобақанинг гуруҳ босқич ўйинларига қуръа ташланди. Қуръа юзасидан Ўзбекистон терма жамоаси аъзоси Даврон Чориев фикрларига қулоқ тутдик.

"Қуръадан олдин бизга айнан бирорта жамоани тушишини кутмагандим. Ҳаммаси биз билган ва биз ўйнаган жамоалар рақиб бўлишди. Рақибларни ҳурмат қиламиз ва ҳар бирига астойдил тайёргарлик кўрамиз. Мазкур гуруҳни муваффақиятли ўтказишга уринамиз. Асосий мақсадимиз мусобақа ғолиблигини қўлга киритиш ҳисобланади. Биз бунга эришиш учун охиригача курашамиз", - деди Даврон Чориев.

Эслатиб ўтамиз, футзал бўйича 17-Осиё Кубоги 27 сентябрдан 8 октябрга қадар Кувайтда бўлиб ўтади. Ўзбекистон "Б" гуруҳида Баҳрайн ҳамда қўшни давлатлар Тожикистон ва Туркманистон билан куч синашади.

Даврон Чориев: "Осиё Кубогини қўлга киритмоқчимиз"