Ушбу тадбирда иштирок этган Даврон Файзиев ўз фикрларини билдириб ўтди.

"Ушбу тадбир жуда ҳам ажойиб тарзда бўлиб ўтди. Мана шундай тадбирлар кўпроқ ўтказилса яхши бўларди. Футбол афсоналарини битта майдонда жамлаш ҳар доим ҳам рўй бермайди. Мухлислар учун ҳам қизиқарли. Мана шу тадбирни ташкил қилган ташкилотчиларга раҳмат айтмоқчиман. Бу футболчиларни ўйинларини биз шарҳлаймиз, лекин билан бирга бевосита майдонда биргаликда тер тўкиш биз учун ҳам ўзига яраша тажриба бўлди. Ушбу тадбир менда жуда ҳам илиқ тассурот қолдирди. Чунки келаси йил ҳам анъана сифатида янги йил олдидан шундай ўйинлар ўтказилса хурсанд бўлардим.

Собиқ футболчиларга қарши майдонда тўп тепиш мен учун бироз қийинчилик туғдирди. Гарчи футбол афсоналари футболчилик фаолиятини аллақачон тугатган бўлса ҳам яхши спорт формасида экан. Мисол учун, Уларнинг майдонда ҳаракатланиши, шерикларини сезиши, тўпни узатиши, барибир уларни майдонда кўриб ҳам мазза қилиб томоша қилиш, ҳам уларга қарши баҳс олиб боришга тўғри келди", - дейди Даврон Файзиев

Жаҳонгир Сотволдиев ёзиб олди

Даврон Файзиев: "Собиқ футболчиларга қарши майдонда тўп тепиш мен учун бироз қийинчилик туғдирди"