Эслатиб ўтамиз, "шпорлар" гуруҳдан чиқиш учун "Барселона", "Интер" ва ПСВ билан беллашади.

"Биз энг яхши жамоалар билан ўйнаш учун Чемпионлар лигасида иштирок этамиз ва "Барселона" худди шундай клубларнинг бири. Бу ўтган мавсумдагига ўхшайди, гуруҳимизга "Реал" тушганидек. Чемпионлар лигаси ўйинларини сабрсизлик билан кутамиз ва уларга тайёр бўламиз. Ҳар бир жамоа ўз кучини дунёнинг энг яхши клубларига қарши баҳсларда синаб кўришни истайди, аммо биз шунчаки нимага қодирлигимизни синамоқчи эмасмиз, ғалаба қозонишни хоҳлаймиз.

"Интер" сўнгги бир неча йил уйқудаги гигантдек. Клуб Чемпионлар лигасида буюк натижаларга эришган, шундай экан улар билан ўйнаш жуда қизиқ бўлади. ПСВга қарши учрашув ҳам ажойиб бўлади. Голландия жамоалари доимо кучли бўлган ва томошабоп ўйин кўрсатади. Ҳар бир баҳсда бизни янги чақирувлар кутиб турибди" - дейди Дайер.

Дайер: "Интер" уйқудаги гигант"