"Шаҳарликлар" билан хайрлашиш қарори қабул қилинган бўлса-да, бельгиялик футболчи ҳали янги клуби борасида қарор қабул қилмаган. Бироқ вариантлардан бири кўпчиликни ҳайратда қолдиради.
Маълум бўлишича, Де Брюйненинг хизматларига Лондоннинг "Арсенал" клуби жиддий қизиқиш билдирмоқда. Кевиннинг ўзи эҳтимолий ўтиш ҳақида хабардор эканлиги ва бошқа таклифлар қаторида буни ҳам кўриб чиқишга тайёр эканлигини тасдиқлади:
"Очиғини айтганда, ҳозирча қаерга боришимни билмайман. "Сити"дан кетиш қарори яқиндагина қабул қилинди.
Мен манфаатдор томонлар билан суҳбатлашиб, ўз жамоасида ҳақиқатан ҳам кўришни хоҳлайдиганларни аниқлашим керак бўлади", – деди у.
Мавсумнинг биринчи ярмидаги жароҳатларга қарамай, 33 ёшли Де Брюйне "Сити" учун 33 ўйинда иштирок этиб, 5 та гол уриш ва 8 та голли узатма беришга улгурди. Унинг тажрибаси, майдонни кўра билиши ва етакчилик хислатлари ҳамон юқори даражадаги клубларнинг эътиборини тортмоқда.
Агар "Арсенал"га ўтиши амалга ошса, бельгиялик футболчи нафақат Англияда қолади, балки "шаҳарликлар"нинг асосий рақобатчиларидан бирини янада кучайтиради.
Изоҳлар