Шу куни Тожикистон терма жамоаси таркибида ўзининг илк учрашувини ўтказган ва унда қаҳрамонга айланган Алишер Жалилов матбуот анжуманида қатнашди ва ўзининг таассуротлари билан ўртоқлашди.

Алишер Жалилов: - Ҳар бир болакай бир кун келиб миллий жамоа сафида ўйнашни орзу қилади. Бугун менинг орзуйим амалга ошди. Мен Тожикистон фарзанди ва шу жамоа либосини кийганимдан фахрланаман. Биринчи ўйин бўлгани учун ҳаяжон сезилди. Биз йирикроқ ҳисобда ғалаба қозонишимиз мумкин эди. Яратилган кўплаб вазиятларни голга айлантира олмадик. Ҳали ишлашда давом этамиз. Чунки ҳар доим ривожланиш ва ўсиш керак.
Мен ҳеч қанақасига ҳам ўйин қаҳрамони бўлганим йўқ. Майдонда бир ўзим эмас, балки бутун жамоа ўйнади. Улар менга гол уришда жуда катта ёрдам беришди. Мухлислар манзили томон эса фақат илиқ сўзларни айтишим мумкин. Уларга катта раҳмат! Биз уларсиз ҳеч қандай натижага эриша олмаймиз.
Дебют ўйинни ўтказиш бир бахт. Дебютда гол уриш эса... Яхшиси буни шарҳсиз қолдирганим маъқул. Қандай хурсанд бўлганим ва голни қай тариқа нишонлаганимнинг ўзиёқ кўп нарсани айтиб турибди. Мен урган голимни "Истиқлол" клубим президентига бағишлайман. Чунки ўйиндан олдин дебют баҳсида гол уришга ваъда бергандим.

Дебют ўйинида қаҳрамонга айланган Алишер