"Манчестер Сити"нинг ЕЧЛдаги мавсуми "Ливерпул"дан учралган мағлубиятдан кейин якунига етди. Жамоанинг кучи чемпион бўлишга етади, бу деярли аниқ, аммо бу ҳали расмийлаштирилмаган. Европа чемпионлар лигасида унинг жамоаси узоққа бора олмади ва "Ливерпул"га мағлуб бўлди.

Чорак финалга қуръа ташланганида кўпчилик ушбу жуфтликдан "Манчестер Сити"ни фаворит деб ҳисоблаганди. Бироқ "Ливерпуль" - "шаҳарликлар" учун ноқулай рақиб ҳисобланади. Улар прессингни яхши ишлатишади. Мерсисайдликлар Пеп жамоасининг нозик тарафларини яхши билишарди. Гвардиола эса хатоларни кўрган бўлса ҳам жавоб учрашувида уни беркитишни хоҳламади.

Биринчи бўлим давомида меҳмонларнинг уюшқоқ ҳимояси яхши ўйнади, шу орқали "Сити"дан камбэкни кутиш жуда қийин иш эди. Бундай бўлмади ҳам, "Сити" кетма кет уч мавсумдирки, ўзида турли хил камчиликлар борлигини кўрсатиб келмоқда.

"Ливерпуль" эса вабанкка қўл урган рақиб билан учрашувнинг биринчи бўлимини бир гол фарқи билан тугатди. Ҳа, ҳисоб бундан-да йирикроқ бўлиши мумкин эди, бироқ ҳакамлар бригадасининг қўпол хатоси туфайли "Сити"нинг голи инобатга олинмади. Бу эса Гвардиола жамоасининг руҳиятига ва якуний натижага жиддий таъсир кўрсатди.

Гвардиола 2015 йил майидан бери илк марта кетма-кет 3 та ўйинда мағлуб бўлди

"Сити" катта кучни ҳужумга ташлади ва оқибатда охирги икки ўйинидаги ҳолатга тушиб қолди. Жамоа Манчестер дербиси ва ЕЧЛ доирасидаги муҳим ўйинларда қаттиқ инқироз ҳолатига тушиб қолгандек кўринди.

"Этихад"даги томошабинлар 4 кун олдинги "Сити"ни кўришди: "Сити" биринчи бўлимда "Юнайтед"га қарши даҳшатли ўйин намойиш қилди. Танаффусдан кейин Смоллинг, Алексис ва Погба рақибининг ҳимоясидаги камчиликларини очиб ташлади ва Пеп жамоасининг чемпионлигини кечиктирди.

"Сити" ва Гвардиоланинг энг устун жиҳати - рақибнинг ҳар қандай ўйин услубига тезда мослашади. Шу орқали жамоа "Ливерпуль" билан учрашувни яхши бошлади. Каталониялик Саненинг ҳисобланмаган голида ҳакамларга қаттиқ эътироз билдирганидан кейин мураббийлар штабидан четлатилди. "Сити" шунинг оқибатида ўйин тизгинини қўлдан чиқариб юборди, кейинги босқичга чиқиш имкониятлари пасайиб кетди, ўйин давомида биринчи бўлимдагидек ҳаракатланишмади. Салоҳнинг голидан кейин эса Пепнинг ҳолати таслим бўлганликни кўрсатганди.

"Ливерпул"нинг сеҳрли ҳужум чизиғи биринчи бўлимда ёрқин ўйнамаган бўлса-да, Чемберлен дарвозабон Эдерсонни алдаб ўтиб, бўш дарвозани нишонга олишни уддалай олмади. Иккинчи бўлимда Салоҳнинг ўйини очилиб кетди ва "Сити"га гол уриб, рақибига кейинги босқич учун деярли имконият қолдирмади. Пеп Гвардиола бошини ушлаганча трибунада ўтирди.

Бундай воқеалар Гвардиола жамоаларида тез-тез бўлиб туради: Унинг "Бавария"си "Сити" билан биргаликда ҳисоблаганда, ЕЧЛнинг сўнгги 5 плей-офф баҳсларида 23 гол ўтказиб юборди ва 12тагина гол киритди. Жамоа ўртача 15-20 дақиқа вақтда ўз дарвозасидан тўп олиб чиқди. Унда асосан Гвардиола жамоаси ҳисобда олдинда бораётган бўлади ва кейинчалик танг аҳволга тушиб қолади. Каталонияликнинг тактикалари ҳар доим ҳам плей-оффнинг муҳим учрашувларида, керакли пайтларда ўз мевасини беравермайди.

Ҳа, у замонавий ҳужумкор футболнинг даҳо мураббийларидан бири. Унинг "Сити"даги ҳужумлари дарвозабондан бошланмоқда. Отаменди плеймейкер ролини бажармоқда. Умуман олган ҳимоячилар ҳам ҳужум яратишда илғор ўйнайди.

Гвардиола мағлубиятга қандай изоҳ берди?

Пеп "Барселона"даги давридан кейин захирани ушлаб туришни уддаламаётгани унинг режаларида бузилишлар юзага келмоқда. У худди эгоистларга ўхшайди, унинг жамоаси фақатгина унинг услубида ютсин ёки умуман мағлуб бўлсин.

Қачонки унинг ишлари ўхшаганида, Пеп жамоаси Европанинг энг кучли жамоасига айланади. Жамоа одамга ёқадиган футбол намойиш этади. "Ливерпуль" билан учрашувларда ноқулай рақиб учун Пеп унчалик маъқул бўлмаган тактикани танлади. Салоҳнинг голидан кейин эса умидлар деярли узилди.

Агарда Отаменди ва Уокер ўз позициясини тез-тез йўқотиб қўймаганида, ўз дарвозаларини яхши қўриқлай олишганида "Ливерпуль" каби асабийлашмасдан ўйнашган бўлишарди. Чемпионатда Клопп жамоаси прессингни яхши кўради ва қарши ҳужумларда ўйнайди. ЕЧЛда эса у бу жиҳатдан воз кечгандек кўринди. "Ман Сити" "Ливерпуль" дарвозаси олдида кўплаб ҳужумлар қилган бўлса-да, шулардан фақатгина 3таси голга тортарди.

Дерби якунланаётганда "Юнайтед" футболчилари Эдерсон дарвозаси олдида тартибли равишда ҳужумлар уюштиришди. Мана шу пайтда Гвардиола ҳимоячиларининг эффективлиги кўринмай қолди, тўпни олиб қўйишда рақибни йиқитишга мажбур бўлишди. Футболчилар яратилган вазиятни якунлашнинг ўрнига мураббийнинг фалсафасини бажаришди, шу боисдан ўйиндаги аспектлар иккинчи ўринга тушиб қолди.

Стерлингнинг югуришлари, Де Брюйненинг тўп оширишлари ҳар доим ҳам ўйин масаласини ҳал қила олмайди. Сўнгги қадамни ташлаш ва тарихга ўз исмини ёзиб қўйиш учун ҳар доим жуда кўп меҳнат қилиш керак, худди Сер Алекс Фергюсон каби. "Сити" чемпионатдаги ўйинларда рақибларига умуман бўш ҳудуд қолдирмасди, сўнгги пайтларда эса ўзлари шуни топа олишмаяпти. Агарда рицар жангда мағлуб бўлаётганини сезса, ҳар доим барча қуролларининг ҳар бир афзал жиҳатини ишлатишга ҳаракат қилади. Пеп эса "Ливерпуль" билан учрашувларда шогирдларининг ярим кучидан фойдаланди.

Кейинги турда "Тоттенхэм"га қарши сафар ўйини бор. Бундай ўйинларда ҳам ҳисобни олдиндан айтиб бўлмайди. "Сити"нинг миллий чемпионатда ғалаба қозониши деярли аниқ бўлиб бормоқда. Унинг шогирдлари "Ливерпуль" ва "Манчестер Юнайтед"га ютқазди ва сўнгги 3 учрашувда 8 гол ўтказиб юборди. Демак, Гвардиоланинг "Сити"си Англиянинг энг яхши жамоаси эмас.

Миржалол Норматов таржимаси