"Бизни даврда кўпчилик статистика ҳақида гапиради. Ўйлашимча, Мане "Олтин тўп"ни олиш учун индивидуал ва жамоавий тарафлама етарлича кўрсаткичга эга эди.

Айтишим мумкин-ки, агар Мане ва Мессининг 2019 йилдаги статистикасини алмаштириб қўйсангиз ҳам совринни Лео олган бўларди. Ҳатто, камроқ гол билан ҳам.

Маненинг Чемпионлар лигасини ютгани, УЕФА Суперкубоги соҳиби бўлгани, ақлбовар қилмас мавсум ўтказгани ва АПЛда тўпурар бўлгани - фантастика. У бутун мавсум давомида жамоада асосийда ролни бажарди. Аминман, у "Олтин тўп"ни олиши мумкин эди.

Бу ҳақда кўплаб ўйинчилар билан гаплашдим. Улар шундай дейишди: "Ҳа, лекин Месси - энг зўр ўйинчи". Албатта, бу ҳаммага маълум. Ҳатто, Садионинг ўзи олдимга келиб Мессидан зўр эканлигини айтса, унинг юзига тарсаки туширардим ва шундай дердим: "Ўчир, йигитча, ўтир!" Лекин, 2019 йилда менимча Мане яхшироқ мавсум ўтказган эди", - деди Ба.

Эслатиб ўтамиз, Мане "Олтин тўп" учун сўровда тўртинчи ўринни эгаллаганди. Месси эса олтинчи бор бу совринни қўлга киритди.

Олдинроқ эса Мане Африканинг 2019 йилдаги энг яхши футболчи деб тан олинганди.

Демба Ба: "Мане "Олтин тўп"га Мессидан кўра ҳақлироқ эди"