- Фикрларим салбий. Жамоам қизил карточкага қадар яхши ўйин кўрсатаётганди. Қизил карточка борасидаги вазиятни кўрмадим, шу сабабли нимадир дея олмайман. Четлатишдан кейин бизга қийинлик қилди, камчилик бўлиб ўйнаш осон бўлмади. Қанчадир вақт мобайнида дарвозамиз дахлсизлигини ушлаб турдик, кейин йигитларда куч қолмади. Камчилик бўлиб ўйнаш жуда қийин. Рақиблар катта босим уюштирди ва керакли голларини урди.

- "Турон"даги фаолиятингизда лиганинг 5 ўйинида қатнашиб, 1 очкога эга бўлдингиз. Бу борада фикрингиз қандай?

- Келинг, бугунги ўйин ҳақида гаплашайлик. Барча учрашувларда бизда етарлича имкониятлар бўлмоқда. Бугун ҳам қизил карточкагача ишлар яхши эди, ҳисобда олдинда бораётгандик. Ҳисобдаги фарқни оширишимиз ҳам мумкин эди. Агарда бирор ўйинда жамоам охиригача ўйнамай ташлаб юбораётган бўлса, гапирса бўларди. Бироқ жамоам охиригача курашмоқда, ўйнамоқда. Қандайдир деталлар ўйин тақдирини ҳал қиляпти. Жамоанинг келажагига яхши умид билан қараяпман. Таркибимизда ёш футболчилар жуда кўп, улар профессионал футболдаги илк қадамларини ташлашмоқда.

- "Андижон"дан шундай ўйин кутганмидингиз?

- Исталган жамоага бу ерда қийин бўлади. Шу сабабли 120 фоиз, балки, ундан ҳам кўпроқ куч билан ўйнаш керак. Турнир жадвалининг биринчи ёки иккинчи қисмидаги жамоа деб ажратилмайди ва максимал куч билан ўйнаш керак. Афсуски, бугун биз мағлуб бўлдик.

- Александр Хомяков билан муносабатларингиз яхшими?

- Ҳа, у билан танишман. Биргаликда лицензия учун ўқиганмиз. Анчадан буён у билан кўришмагандим, кўриб хурсанд бўлдим. Уни ғалаба билан табриклайман ва навбатдаги учрашувларда омад тилайман.

Денис Бушуев: "Қизил карточкагача ишлар яхши кетаётганди"