Ўйин ҳақида

Илк навбатда барчани ғалаба билан табриклайман. Бу муваффақиятга эришиш осон бўлмади. Рақиблар жуда яхши ҳимояланди. Балки бу биз учун яхши амалиёт ҳам бўлди. "Хоразм" учрашув бошидаги вазиятидан фойдаланиб олди. Шундан кейин бизга жуда қийин бўлди. Йигитлар жанговор ўйин ва характер кўрсата олишди ва ғалабани қўлга киритишди. Оғир сафар бўлди, рақиблар қаттиқ ҳимояланишди ва стандартларда анчагина хавфли эканлигини намойиш қилишди.

- Бугунги ўйинда Марат Бикмаевнинг майдонга тушмагани сабаби нимада?

- Ўйинларга режалар тузилади. Биз барча футболчиларга ишонамиз. Ўйинда захирага мурожаат қилишда шошилмадик. Аслида барча футболчилар ўйинга тушишга шай ҳолатда. Худо хоҳласа, кейинги ўйинда Марат ўзини кўрсатади.

- Про-лига савияси ҳақида нима дея оласиз?

- Кубок доирасида "Машъал" жамоаси сафарда "Сурхон" билан 0:0 ҳисобини қайд этди. Шунингдек, "Қўқон-1912" ўз майдонида "Насаф"га жанг таклиф қилди. "Насаф"га ҳам қийин бўлди. Шу сабабли бемалол айта оламан, Про-лига ҳам қийин, бир қанча жамоалар Суперлига даражасида.

- Майдон ҳолати хақида нима дея оласиз?

- Балки 2-3 ҳафтадан кейин яхши бўлиб қолиши мумкин. Бироқ бундай стадионда жамоалар ўзи истаган футболни намойиш қилиши жуда қийин.

Денис Коростиченко: "Про лиганинг даражаси Суперлиганики билан бир хил"