AS хабарига кўра, Мадрид клуби канадалик футболчини 2024 йилнинг ёзида ўз сафига қўшиб олишни режалаштирмоқда. "Реал" Дэвисни кейинги бир неча йилда ҳимоянинг чап қанотини кучайтириш учун энг яхши вариант деб ҳисоблайди.

"Реал" 22 ёшли ҳимоячи ҳақида ижобий маълумотлар олди – унинг тезлиги, кучи ва юқори даражадаги тажрибаси унинг фойдасига гапиради. "Реал"дагилар футболда тобора жисмоний ҳолат муҳим аҳамият касб этиб бораётганини тушунади, шу боис Дэвис клуб раҳбариятига манзур келган.

Қолаверса, "Реал" вакилларига Дэвиснинг Канада термаси таркибида ЖЧ-2022даги ўйини ёқди. Клубга футболчининг етакчилик фазилатлари ёқади.

Альфонсонинг "Бавария" билан битими 2025 йилнинг ёзида тугайди, шунинг учун "Реал" Тони Кроос ва Эден Азар билан бўлган йўлдан боришни истайди. Мадридликлар Дэвиснинг шартнома муддати бир йил қолишини кутиш ниятида ва бу ҳолатда унинг нархи пастроқ бўлишини кутмоқда.

Чап қанот ҳимоячиси жорий мавсум "Бавария" сафида бара мусобақаларда 19 та ўйинда майдонга тушиб, 1 та гол урди ва 4 та голли узатмани амалга оширди. Канада терма жамоаси ЖЧ-2022да 3 та ўйинда қатнашиб, 1 та тўп киритди.

Дэвис – "Реал"нинг 2024 йилги мақсади. Унинг "Бавария" билан шартномаси 2025 йилгача мўлжалланган