Бўлажак баҳс олдидан таниқли ёшлар мураббийи Дилшод Андаев билан қисқача суҳбатлашдик. Кези келганда айтиш жоизки, Осиё чемпионатида Ўзбекистон шарафини ҳимоя қилаётган Отабек Шукуров, Аслиддин Абдиев ва Элдор Шомуродовнинг биринчи мураббийи айнан Андаев ҳисобланади.

- Ёшлар терма жамоамизнинг ҳар бир учрашувини имкон қадар ТВ орқали кузатиб боряпман. Мусобақагача йигитларни ўйин амалиёти кам бўлдими ёки қандайдир ҳаяжон босдими билмадиму, гуруҳнинг дастлабки учрашувларида футболчилар ўзларини тўлиқ кўрсата олмади. Ҳужумни якунлашга келганда оқсаяпсмиз. Бу касаллик чемпионатимизда ҳам бор. Австралия билан ўйинда йигитлар ёмон таассурот қолдирмади. Ўйлайманки ўйиндан-ўйинга улар ўзларини кўрсата олади.

- Албатта ушбу мусобақада уч нафар шогирдим иштирок этаётганидан мамнунман. Элдор Отабек Шомуродов, Аслиддин Абдиев истеъдодли футболчилар саналади. Лекин ҳали ўз устида кўп ишлаши талаб этилади. Спорт шундайки, ўз устида ишламай қўйса ўз-ўзидан йўқолиб қолади. Ишоманки футболчиларимиз учун ҳали ҳаммаси олдинда. Йигитлар билан кун ора интернет орқали гаплашиб тураман.

- Бошқа ҳамюртларим қатори мен ҳам Ўзбекистон ёшлар терма жамоасига омад тилайман. Ишонаманки бугун улар Таиландни мағлуб эта олади. Илоҳм жаҳон чемпионати йўлланмасини қўлга киритиб, юртимизга ёруғ юз билан қайтиб келишларини тилаб қоламан. Барчамиз шуни хоҳлаяпмиз - дейди "Машъал-2" бош мураббийи Дилшод Андаев.

Исломбек Рустамбеков суҳбатлашди.

Дилшод Андаев: "Ёшларимиз ЖЧ йўлланмасини қўлга киритишини хоҳлаяпмиз"