Аммо олинган сўнгги маълумотларга қараганда, “Сурхон” футбол клубида бугун яна эътиборга молик ўзгаришлар юз берган.

Гап шундаки, жамоа раислигига Абдуғани Сангинов тайинланган. Ўз вақтида Саросиё туманининг собиқ “Тўпаланг” жамоаси раҳбари сифатида ишлаган Абдуғани Абдураҳмонович эндиликда “Сурхон”ни супер лигага олиб чиқишга уринади. Қизиғи шундаки, янги раҳбарият жамоадаги биринчи иш кунидаёқ бош мураббий масаласини қайтадан кўриб чиқиб, ушбу масъулиятли постга таниқли мутахассис Дилшод Нуралиевни олиб келди. Асосан ёшлар ва ўсмирлар терма жамоаларидаги фаолияти орқали мухлисларга яхши таниш бўлган Нуралиевни бугун клуб раҳбарияти расман жамоа аъзоларига таништириб ўтди.

Бунгача ушбу лавозимда ишлаб келган Абдусамад Дўрмонов ва унинг ёрдамчилари Вали Келдиев, Александр Корнейчукнинг “Сурхон”даги кейинги тақдири сўроқ остида. Жамоа аъзолари душанба куни ўз қароргоҳида йиғилади. Шундан сўнг айрим масалаларга ойдинлик киритилади.

Дилшод Нуралиев - “Сурхон” бош мураббийи