Ушбу тадбирда жамоа бош мураббийи Даврон Файзиев сўзга чиқиб, мухлислар билан учрашувни ташкил этишдан мақсад футболчилар ва мухлислар ўртасида мустаҳкам кўприк яратиш, мавжуд қийин ҳолатдан чиқиб кетишда мухлисларнинг ўрни ҳақида гапирди.

Ўз ўрнида очиқ мулоқот шаклидаги савол-жавобда мухлислар ҳам клуб раҳбарияти, мураббийлар ва футболчиларга ўзларини қизиқтираётган саволлар билан бирга, муаммолар ва жамоанинг қониқарсиз ўйини ва салбий натижаси борасидаги эътирозларини куюниб гапиришди.

Бунга жавобан клуб раҳбарияти, мураббийлар ва футболчилар хатолар таҳлил қилинганлиги ва ҳозирги оғир вазиятдан чиқиб кетиш учун бор куч ва имкониятларини сарфлашга ваъда беришди. Шунингдек, ёзги давралар оралиғида жамоа таркибида ўзгаришлар қилиниб, таркиб кучайтирилишини маълум қилишди.

Тадбир якунида мухлислар ҳозирги оғир вазиятдан чиқиб кетишда бош мураббий Даврон Файзиев ва жамоа сардори Илҳом Юнусовга ишонч билдириб, ишқибозлар жамоани охиригача қўллаб-қувватлашларини, бунга жавоб тариқасида клуб ҳам ижобий натижа томон интилишига умид билдиришди.

"Динамо" клуби мухлислар билан учрашди