Термизнинг “Динамо”жамоаси мавсумни юқори савияда ўтказган ҳолда, бу йилги чемпионатда икки бор кубок соҳибига айланишди.

Кеча 6 декабрь санасида Термиз шаҳридаги “Алпомиш” марказий ўйингоҳида бўлиб ўтган финал баҳсида Мадижон Бадалов бошчилигидаги вилоят чемпиони “Денов” жамоаси Термизнинг “Динамо” жамоаси яьни, “Сурхондарё кубоги” соҳиби билан куч синашишди.

Кескин баҳсда термизликлар 3:0 ҳисобида ғалаба қозонишди ва “Сурхондарё супер кубоги” соҳибига айланишди.

Учрашув якунидан сўнг, Сурхондарё вилоят Футбол федерацияси томонидан тақдимот маросими бўлиб ўтди. Чемпионат ғолиб ва совриндорларига кубок, диплом ва медаллар кўтаринки руҳда ўз эгаларига топиширилди.

Вилоят футбол федерацияси 1- вице президенти Нажмиддин Мелиқулов сўз нутқида барча иштирокчиларга ўз миннатдорчилик билдириб ғолиб жамоаларга республикада бўлиб ўтадиган биринчи лига ўтиш турнирида ҳам вилоят шаьни муносиб ҳимоя қилишни таькидлаб ўтди ва “Денов” ва “Динома” жамоаларига омад тилади.
Шуни айтиш жоизки, Акмал Хасанов мураббийлигидаги “Динамо” жамоаси бу йилги вилоят чемпионатида 3та ютуққа эришди:

1. Вилоят вице чемпиони, (2-ўрин)
2. Сурхондарё кубоги соҳиби
3. Сурхондарё супер кубоги соҳиби

Сурхондарё вилоятидан икки жамоа “Денов”ҳамда “Динамо” биринчи лига ўтиш турнирида қатнашиш ҳуқуқига эга бўлди.

Фаҳриддин Чориев

“Динамо” - Сурхондарё супер кубоги соҳиби