- Кўрдингизлар, тезкор гол ўтказиб юбордик. Мен ўйин олдидан дастлабки 15 дақиқа давомида эҳтиёткорлик билан ҳаракат қилиш кераклиги бўйича кўрсатма бергандим. Мезбонлар томонидан босим бўлишини билардик. Голдан кейин мувозанатни тиклашга уриндик. “Бухоро” билан баҳсда ким камроқ хато қилса, ғалаба қозонадиган ўйин эди. Шогирдларимга кўпгина эътирозим бор. Ўйинни қайта кўриб чиқамиз, хатоларни тахлил қиламиз.

- “Бухоро” сафида қайси футболчилар сизда илиқ таассурот қолдирди?

- Биринчи давраги “Бухоро” билан ҳозирги кундаги жамоанинг ўртасидаги фарқ катта. Бироқ мен биринчи даврадаги баҳсда иштирок этмаганман. Бироқ бугун жамоа сафида Хумоюнмирзо Иминовни алоҳида таъкидлаб ўтган бўлардим. У ҳужумларни ташкил қилишда анча яхши ҳаракат қилди. Шунингдек, Жасур Азимов ва Хумоюн Шербўтаев ташкил қилиб берди. Улар бизнинг футболчиларга нисбатан устунлик қилди.

- Жамоанинг 5-ўринни қўлга киритиш имконияти қандай?

- Мен жамоани қабул қилиб олаётган вақтида очколаримиз жуда кам эди. Ҳаракат қилиб, вазифани бажариш имкониятига эга бўлдик. Бироқ “Шўртан”га нисбатан тақвимиз бироз қийин. Чунки бизни сафарда иккита қийин ўйин кутмоқда. Биринчиси “Хоразм” бўлса, кейингиси “Турон”дир. Ҳали ҳеч нарсани йўқотганимиз йўқ ва керакли очколарни қўлга киритиб, 5-ўринни эгаллай оламиз.

Диёр Мирзабоев: "Ҳали ҳеч нарсани йўқотганимиз йўқ"