Унда иштирок этган "Андижон" жамоаси катта мураббийи Диёр Мирзабоев қуйидаги фикрларни билдирди.

- Балки бугунги учрашувда "Машъал" кўпроқ ҳужум қилгандир, лекин биз ҳам қараб турмадик ва охиригача курашдик. Ким гол урса ютиб кетадиган ўйин бўлди. Ҳар икки жамоада етарлича вазиятлар бўлди. Майдонда иккита тенг кучли жамоа ўзаро баҳс олиб борди деб ўйлайман.

- Жамоа ҳужумида нега фақат қанотдан тўп оширишлар кузатилди? Марказдан фойдаланса ҳам бўларди-ку.
- Сиз марказ бўйлаб комбинацион ҳужумни назарда тутяпсиз-а? Бугунги ўйинга қўйилган тактика ҳам аслида қанотдан ҳужум қилиш эди. Шу боис Жамшид Ҳасанов билан Дониёр Абдуманноповни қанотларга қўйдик. Улар тезлик эвазига ёрдам бериши керак эди. Лекин жамоамиз марказдан ҳам ўйнашни билади. Ҳар бир ўйин учун алоҳида тактика ишлаб чиқамиз.

Диёр Мирзабоев: "Ким гол урса ютиб кетадиган ўйин бўлди"