- Ўтган мавсум ҳақида нима дея оласиз?

- Қизиқарли мавсум бўлди. Ўтган мавсумдаги "Нефтчи" ўз ўйинлари орқали шонли даврларда олинган завқ-қувончни бир лаҳза бўлса ҳам ёдга солди.

- Жамоамиз билан келаси мавсумда ҳам биргасиз. Жамоада қолишингиз учун энг асосий учта сабабни айтиб берсангиз...

Мухлислар, жамоа ва совринли ўринлар учун яна бир бор уриниб кўриш иштиёқи.

- Туропов кейинги мавсум олдидан мухлисларги нимани ваъда бера олади?

- Ваъда беришга шошилмайлик. Бизнинг айтганларимиз бўлганда, ҳаммаси бошқача бўларди. Аллоҳнинг айтгани бўлади, биздан эса яхши ният ва ҳаракат.

- Ўтган мавсумда жамоамизга медаллар учун курашда нима етишмади?

- Фикримча, барқарорлик ва охирги нуқтани қўйиш етишмади. Ўйлайманки, янги мавсумда мураббийлар режаси асосида мақсад сари интиламиз, мухлислар эса олдингидек, бизни охиригача қўллаб-қувватлашини хоҳлардим. Биз ҳар қандай рақибга бош оғриқ бўла оламиз ва уларнинг уйқусиз тунларида бизнинг ҳам ҳиссамиз бўлади деган умиддаман.

Маълумот ўрнида, Туропов ўтган мавсум "Нефтчи" сафида 26 та учрашувда қатнашиб, "4+1" натижа кўрсатган.

Диёр Туропов: "Биз ҳар қандай рақибга бош оғриқ бўла оламиз"