Дониёр Абдуманноповнинг сўнгги дақиқаларда "Навбаҳор"га урган чиройли голи "Сўғдиёна"га муҳим ғалабани келтирди. Футболчи championat.asia мухбирига ушбу гол ва ўйин ҳақидаги фикрларини билдириб ўтди.

- Наманганда тўп тепиш ва ортга ғалаба билан қайтиш ҳеч бир жамоа учун осон ҳисобланмайди. Лекин "Сўғдиёна" иккинчи йил бунинг уддасидан чиқди...

- Ҳар қандай ғалабанинг завқи бошқача бўлади. Тўғри айтасиз, Наманганга келадиган жамоаларга қийин. Ўзига яраша босим бўлади. Ўйинга келсак, дурангга мос баҳсда омад бизга кулиб боқди. Охирги дақиқаларда ғалабани ўз томонимизга оғдирдик.

- Гол таваккал берилган зарба эдими?

- Тўп келиб тушгач дарвозага иккиланмай зарба бердим. Худо истаган экан гол бўлди. Умуман олганда ўйин тенгкурашлар остида кечди. Рақибда ҳам вазиятлар бўлди.

- Бу фаолиятингиздаги энг чиройли голингизми?

- Яхшиси мухлислар таъриф беришсин. Мен эса худодан шундай голларни яна насиб қилишини сўрайман.

- Навбатдаги учрашув ҳақида...

- Суперлигада ҳеч бир ўйин осон бўлаётгани йўқ. Ғалаба учун майдонга чиқамиз. Ҳар бир рақибни ҳурмат қилишимиз лозим.

Абдулазиз Искандаров суҳбатлашди

Қизиқарли факт, мутахассислар фикри, интервьюлар қуйидаги ҳаволада. Интервьюлар олами

"Навбаҳор" - "Сўғдиёна" учрашувидан фактлар

Дониёр Абдуманнопов: "Навбаҳор"га урган голимга яхшиси мухлислар таъриф берсин"