Жумладан, голкиперга Чемпионлар Лигаси 5-турида "Бавария" қарши беллашувда дарвозани Матвей Сафонов қўриқлагани ёқмаган. Доннарумма сентябрь ойидаги жароҳат туфайли қўйиб юборилган "Жирона"га қарши баҳсни (1:0) инобатга олмаса, уч йил деганда биринчи марта ЕЧЛ ўйинини ўтказиб юборди. Жамоа устози Луис Энрике Россия терма жамоаси аъзоси кучли прессинг қиладиган клубларга қарши ўзини яхшироқ ҳис қилиши билан ўз танловини изоҳлаганди.

Айни дамда италиялик футболчи ПСЖ билан икки ҳафта аввал бошланган янги шартнома борасидаги музокараларни тўхтатган. Доннарумманинг парижликлар билан амалдаги шартномаси 2026 йилгача мўлжалланган. Аввалроқ, ФИФА Италия термаси сардорини йилнинг энг яхши дарвозабонлигига номзодлар қаторида эътироф этганди.

Доннарумма Сафонов билан рақобатлашишни истамаяпти ва жамоани тарк этиш ниятида