- Якунига етиб бораётган йилни сарҳисоб қиладиган бўлсак, шахсан мен учун омадли кечди. Клубда етарлича ўйин амалиётига эга бўлмаган эрсамда, ёшлар терма жамоаси сафида Осиё чемпионати ва кичик мундиалда иштирок этиб қайтдим. Ўйлайманки бу ҳар бир футболчининг орзуси. Бундан жуда хурсандман. Қолаверса 2015 йилда янги ташкил этилган олимпия терма жамоасига ҳам чақирув ола бошладим. Келаси йил Қатарда ўтказиладиган Осиё ўйинларига тайёргарлик кўрмоқдамиз. Насиб қилса бўлажак нуфузли чемпионатда ҳам муносиб иштирок этишга харакат қиламан.

- Ўзингизга яхши маълум Фарғонанинг Олтиариқ туманида таваллуд топганман. Ҳар гал янги йилни уйда, оиладагилар билан кутиб оламиз. Соат 00:00 бўлишини кутиб ўтирардик. Бугун ҳам уйда бўламан ва юқори кайфият билан 2016 йилни қарши оламиз.

- Фурсатдан фойдаланиб, янги йил байрами муносабати билан барча юртдошларимизни самимий муборакбод этаман. 2016 йил барчамиз учун омадли ва барокатли келсин. Юртимизда тинчлик бўлаверсин. Яқинларимиз ҳамиша соғ бўлсин!

Исломбек Рустамбеков.

Достон Турсунов: “2015 йилда менга ЖЧ ва ОЧда ўйнаш насиб қилди”