- "Пахтакор" билан шартнома муддатини икки йилга узайтирдингиз. Бундай қарорга келишингизга нима сабаб бўлди?

- "Пахтакор"га доимо жиддий вазиялар юкланади. Жамоага янги мураббий тайинланди. Мен Шацкихнинг футболчилик давридаги ўйинларига ҳавас қилган ҳолда ундан ўрнак олишни истайман, шу боис узоқ муддатли шартномага имзо чекишга қарор қилдим. Ўйлашимча, кейинги фаолиятим давомида кўп нарса ўрганаман.

- Янги мураббийнинг машғулотлари аввалги мураббийларникидан қай даражада фарқ қилади? Нима устида кўпроқ ишланмоқда?

- Ҳар бир мураббийнинг ўзига яраша услуби бор. Шацкиз қўл остида ҳам ўйин услуби, ҳам жисмоний тайёргарлик борасида машғулотлар олиб боряпмиз.

- Қатардаги бу сафарги фаолиятингиз узоққа чўзилмади. Бундан қониқиш ҳосил қилдингизми?

- Қониқдим десам бўлади, сабаби у ерга ижара асосида йўл олгандим. Шартномада кўрсатилган муддат якунига етгач, "Пахтакор"га қайтдим.

- Жамоангизнинг иккинчи даврадаги илк ўйини "Динамо"га қарши бўлиб ўтади. Бўлажак учрашувдан нималар кутяпсиз?

- Худо хоҳласа, яхши ўйин орқали ижобий натижа кўрсатган ҳолда мухлисларни стадионга қайтаришни истайман.

Достонбек Ҳамдамов: "Шацкихдан ўрнак олишни истайман"