"Нерадзурри" қанот ҳимоячиси Дюмфриснинг ҳозирги клубдаги ҳолати Европанинг бир қатор гигантлари, жумладан, "Челси", "Бавария" ва "Манчестер Юнайтед" томонидан кузатиб борилмоқда. Ёзги трансферлар ойнаси очилганда Дюмфрис ушбу клублардан бирини танлаши мумкин.

Бу Нидерландия терма жамоаси футболчиси учун Милан клубидаги охирги мавсум бўлиши кутилмоқда, чунки ўйинчининг вакили Италия клубига Дюмфрисни трансфер қилиш эвазига бонуслар билан бирга 50 млн евро ишлаб олишини билдирган.

26 ёшли футболчига юқоридаги клублардан турли пайтларда қизиқиш бўлди. Дюмфриснинг Жаҳон чемпионатидаги яхши иштироки уларнинг футболчини кўлга киритишга ундади.

Дензел Дюмфрис "Интер" таркибида ушбу мавсум барча турнирларда 23 та ўйинда иштирок этди ва 5 бор самарадорлик (“2+3”) кўрсатди.

Дюмфрис учун 3 та топ-клуб курашмоқда