ЕЧЛ. ПСЖ – "Бавария" 0:1

Голлар: Кингсли Коман (Альфонсо Дэвис) 53'

ПСЖ: 99. Жанлуижи Доннарумма, 2. Ашраф Хакими (3. Преснель Кимпембе 46'), 4. Серхио Рамос, 5. Маркиньос, 25. Нуну Мендеш, 33. Варрен Зайре-Эмери (8. Фабиан Руис 57'), 15. Данилу Перейра (17. Витинья 75'), 6. Марко Верратти, 28. Карлос Солер (7. Килиан Мбаппе 57'), 30. Лионель Месси, 10. Неймар.
Захира: 16. Серхио Рико, 90. Александр Летеллье, 14. Хуан Бернат, 29. Тимоте Пембеле, 31. Эль Чадай Битшиабу, 35. Исмаэль Гарби, 44. Уго Экитике.
"Бавария": 27. Янн Зоммер, 5. Бенжамен Павар, 2. Дайо Упамекано, 4. Маттейс де Лигт, 10. Лерой Сане (44. Йосип Станишич 90'), 22. Жуан Канселу (19. Альфонсо Дэвис 46'), 6. Йозуа Киммих, 8. Леон Горецка, 42. Жамал Мусиала (38. Райан Гравенберх 87'), 11. Кингсли Коман (7. Серж Гнабри 76'), 13. Эрик Шупо-Мотинг (25. Томас Мюллер 76').
Захира: 26. Свен Ульрайх, 35. Йоҳаннес Шенк, 20. Буна Сарр, 23. Дэйли Блинд, 39. Матис Тел, 46. Арижон Ибрагимович.
Огоҳлантиришлар: Бенжамен Павар 26', Преснель Кимпембе 70', Неймар 87', Бенжамен Павар 90+2'

Қизил карточка: Бенжамен Павар (иккинчи сариқ карточка) 90+2'

90+4. Ўйин якунланди!

90+3. Рамоснинг бош билан берган зарбаси хавфли тус олмади.

90+2. Бенжамин Павар Мессини йиқитди. Унга сариқ карточка кўрсатилди, бу унинг ўйиндаги иккинчи сариқ карточкаси. Натижада бу қизил карточкага айланди ва "Бавария" бир киши кам бўлиб қолди.

90. Ўйиннинг асосий вақтига 4 дақиқа қўшиб берилди.

86. Эндиги зарба Маркиньосдан! Бразилиялик футболчининг кучли зарбасини Зоммер ушлаб олди!

84. Мессидан зарба! Леонинг тепган тўпи рекошет бўлиб майдонни тарк этди.

82. NO GOAL! Ўнг қанотдан узатилган тўпни Мбаппе дарвозага киритган эди. Бироқ айни шу сўнгги пасни берган Мендеш аввалроқ ўйиндан ташқари ҳолатда қолиб кетган экан.

82. Мюллернинг илк зарбаси анчагина ноаниқ бўлди.

77. Бурчакдан узатилган тўпга Маркиньос боши билан зарба берди, Зоммер ўз ўрнида.

73. Хавфли вазият! Мбаппе дарвозабон билан бирга-бир вазиятга чиқиб бориб дарвозага зарба берди, Зоммер қайтарди, қайтган тўпни Неймар икки бор дарвозага йўллади, иккинчисини ҳам Зоммер қайтарди, қайтган тўпни олган Киллиан дарвозани ишғол қилди, бироқ Неймар тепаётган ҳолатда Мбаппе ўйиндан ташқари ҳолатда қолиб кетганди.

64. Бурчакдан узатилган тўпни Павар дарвозага йўллади, Доннаруммадан яна бир сейв!

63. Мусиала ўнг қанотдан штурм қилиб юриш қилди, Шупо-Мотинг ўзига узатилган пасни дарвозага йўллади, тўп рекошет бўлиб дарвоза устунига тегди ва майдонни тарк этди.

62. Шупо-Мотинг ўзига узатиб берилган тўпни дарвозага йўллади, зарба хавфли чиқди, Доннарумма ҳам фаол ҳаракат қилиб, тўпни ушлаб олди.

57. Мбаппе майдонга тушди!

55. Гол ўтказиб юборгач Париж жонланди.

Дэвиснинг чап қанотдан узатган тўпини Кингсли Коман ерлатиб зарба бериб, дарвозани ишғол қилди.

53. ГООООООООООООООООООООООООООООООООООООООООООООООЛ! Коман учрашувда ҳисобни очди!

50. Варрен Зайре-Эмери Дэвисни алдаб ўтиб ўнг қанотдан олдинга юриш қилди, тўпни марказроққа узатди, Неймардан олдин тўпга мюнхенлик ҳимоячи етиб келиб, тзпни майдон ташқарасига чиқариб юборди.

49. Шупо-Мотинг ўзига узатиб берилган тўп билан катта тезликда олдинга ўтди, икки футболчини алдади, бироқ учинчи футболчи ундан тўпни қайтиб олди.

46. Иккинчи бўлимга старт берилди!

45. Биринчи бўлим якунланди!

45. Месси жарима зарбасини амалга оширди, тўп жонли деворга тегиб қайтди.

43. Киммихнинг жарима майдончаси ташқарисидан йўллаган кучли зарбаси хавфли тус олди ва уни Доннарумма ушлаб олди.

34. Командан яна бир зарба! Ерлатиб тепилган тўп ноаниқ кетди.

30. Ҳаволатиб узатилган тўпни Шупо-Мотинг боши билан дарвозага йўллади, тўп бироз ноаниқ кетди.

28. Кингсли Команнинг узоқ масофадан йўллаган зарбаси осмон-у-фалакка учди.

25. Коман ўзига узатиб берилган тўпни рақиб жарима майдончаси марказига узатди, бироқ бу вазиятда дарвозабон тўпни ушлаб олди.

21. Майдонда Неймар ётибди. Аввалроқ, Павар тирсаги билан бразилиялик футболчининг юзига зарба бериб юборгани такрорий лавҳалар орқали маълум бўлди.

18. Ўйин темпи юқори эмас, ҳар икки жамоа ҳам асосан майдон марказида ўйнамоқда. Мухлислар футболчилардан фаолроқ бўлишларини сўраб, ҳуштакбозлик уюштиришди.

10. "Бавария" дастлабки 10 дақиқаликда, меҳмонда ўйнаётган бўлса ҳам, жуда фаол ҳаракат қилмоқда.

4. Ўтган 4 дақиқа ичида тўп назорати асосан мюнхенликларда бўлди.

1. Илк дақиқаданоқ Шупо-Мотинг ПСЖ дарвозасини нишонга олди. Унинг узоқ масофадан йўллаган зарбаси ноаниқ бўлди.

1. Ўйин бошланди!

Ўйин бошланишидан аввал Туркия ва Сурияда содир бўлган зилзилалар оқибатида ҳалок бўлган инсонлар хотирасига 1 дақиқалик сукут сақланди.

- Учрашув Тошкент вақти билан 01:00 да бошланади.

ЕЧЛ. "Бавария" меҳмонда ПСЖни кичик ҳисобда мағлуб этди