- “Андижон” жамоаси бизга қарши қаттиқ тайёргарлик кўрганига гувоҳи бўлдим. Уларни бу ўйинда фақат ғалаба қониқтирар эди. Бугунги ўйинда бизнинг асосий мақсадимиз дарвозамиз даҳлсизлигини сақлаб қолиш эди. Ўйиннинг 70-дақиқасига қадар шогирдларим барча кўрсатмаларимни кўнгилдагидек бажариб келаётган эдилар. Кейин уларда ўз кучига бўлган ишонч бироз пасайгандек бўлдими ўйинимизда пасайиш кузатилди. Дастлабки голни ўз дарвозамизга киритиб қўйганимиздан сўнг шогирдларимнинг шаштлари анча пасайди. Шунинг эвазига “Андижон” яна бир бор дарвозамизга тўп киритишга муваффақ бўлди.

- Бугунги ўйинда мағлубиятга учрашимизга бир неча сабабларни айтишим мумкин. Балки биз Андижонга кеч етиб келганлигимиз бўлиши мумкин. Балки аввалги “Бунёдкор”га қарши ўйинда шогирдларим бор кучлари билан ўйнаб чарчаб қолган бўлиши мумкин. Мағлубиятга учрашимизга ўз хатоим ҳам сабабчидир.

- Бугунги баҳсда жамоам яхши ўйин намойиш этди. Тактика тўғри танланган эди. “Андижон” жамоаси элитадаги ўз ўринларини яхшилаб олишлари учун уларга ғалаба сув ва ҳаводек зарур эди. Улар бизга қарши икки баравар куч билан ҳаракат қилишди.

- Андижонни таркибида анча кучли ва тажрибали ўйинчилар йиғилганлигини айтишим мумкин. Номлар бўйича улар биздан устун эдилар. Бизнинг таркибимиз анча ёш. Мана кўрдингиз бугунги ўйинда 1992, 1993 йилда туғилган ёшларни туширдим. Тўғри таркибизда ўйин тақдирини белгилаб берадиган ўйинчиларимиз бор. Лекин уларнинг ўйини қовушмади деб ўйлайман.

Комилжон Икромов ёзиб олди.

Эдгар Гесс: "Андижон”га ғалаба сув ва ҳаводек зарур эди"