«Қироллик клуби» Каталония клубини «Сантьяго Бернабеу»да 23 декабрь куни қабул қилишади. Ўйин Европа вақти билан соат 13.00да бошланади.
Олдинроқ учрашув 20 декабрь куни бўлиб ўтиши белгиланган эди.
Marca нашри хабарига кўра, ушбу учрашув санаси «Реал»нинг илтимосига кўра ўзгартирилган. Мадрид клуби 6-16 декабрь кунлари БААда клублар ўртасидаги Жаҳон чемпионатида иштирок этади.
Август ойида Испания Суперкубоги доирасида «Реал» икки бор «Барселона»ни мағлуб этганди (3:1, 2:0).
