"Барселона" ҳамда "Реал" жамоалари ўртасидаги ўйин олдидан ушбу қарама-қаршиликда энг кўп гол киритган футболчилар ҳақида эслаб ўтишни жоиз деб топдик.

10. Юго Санчес ("Реал") - 10 та гол. Мексикалик футболчи "қироллик клуби" сафида "Барса" дарвозасига 10 та гол кирита олган.

9. Хосеп Самитьер ("Барселона") - 10 та гол. Самитьер 1919-1932 йиллар мобайнида ўтган фаолияти давомида 10 маротаба "Эл-Классико"ларда рақиб дарвозасини ишғол қилган.

8. Сантильяна ("Реал") - 12 та гол. Сантильянанинг "Классико"лардаги голлари сони эса 12 тани ташкил қилади.

7. Пако Хенто ("Реал") - 14 та гол. Хенто "Реал"даги фаолияти давомида 128 та гол киритган. Шулардан 14 таси "Барса" дарвозасига урилган.

6. Ференц Пушкаш ("Реал") - 14 та гол. Венгриялик машҳур футболчининг ҳам бу борадаги кўрсаткичи 14 тага тенг.

5. Сесар Родригес ("Барселона") - 14 та гол. Испаниялик чарм тўп устаси "Реал" дарвозасини 14 маротаба аниқ нишонга олган.

4. Рауль ("Реал") - 15 та гол. Афсонавий Рауль 16 йиллик фаолияти давомида 15 маротаба каталонияликлар дарвозасига йўл топа олган.

3. Кристиану Роналду ("Реал") - 16 та гол. "Реал" тарихидаги энг яхши тўпурар 16 маротаба "Эл-Классико"ларда гол киритган.

2. Альфредо ди Стефано ("Реал") - 18 та гол. Дунё футболи тарихидаги энг яхши ҳужумчилардан бири эса 18 марта "Барселона" мухлисларини хафа қилган.

1. Лионель Месси ("Барселона") - 21 та гол. Аргентиналик футболчи "Эл-Классико"лар тарихидаги энг яхши тўпурар ҳисобланади. У 21 маротаба "Реал" дарвозасини ишғол қила олган.

"Эл-Классико" тарихидаги энг яхши тўпурарлар (ТОП-10)