"Мен айни пайтда оилам билан Бразилияда истиқомат қиляпман. У ерда мен чорвачилик билан шуғулланяпман. Ҳар ойда Мюнхенга 1-2 марта келиб тураман. Чорвачилик билан шуғулланиш футбол ўйнашдан ҳам қийинроқ. Сен бу ерда худди мураббийдек иш юритасан. Қўл остингдагиларга вазифасини айтасан, улар эса ишни кўнгилдагидек бажарса бу сенга завқ улашади. Ҳаётим яхши. Бунданда чиройли ҳаётни тасаввур этолмайман. Футболчилик фаолиятим давомида ўйиндан кейин юзлаб футболчилар билан футболка алмашганмиз. Уларни ҳали ҳам уйда сақлаб келаман. Баъзан ўғлим саволга тутиб қолади, буни қайси ўйиндан алмашгандиз, деб. Шунда ўша учрашув хотираларини яна эслайман, ёқимли дамлар ёдга тушади. Тўғриси футболчилик давримни соғинаман, дея олмайман. Чунки мен ўша дамда ушбу ёқимли онлардан завқ олганман. Ҳозир эса катта мароқ билан "Бавария"нинг ўйинларини томоша қиламан ва уларга мухлисман. Мен Бундеслига ва бошқа европа миллий чемпионатларини томоша қилишни ёқтираман. Дунёнинг энг кучли футболчиларининг барча ҳозир европада. Ҳозирги кунда Бразилиядаги исталган ёш болакайда қаерда ўйнашни истайсан, деб сўраб кўринг. Ишонч билан айтаман, уларнинг ҳеч бири Бразилиянинг бирорта клубини тилга олмайди. Ҳамма европага кетгиси келади. Бизнинг давримизда ҳаммаси бошқачароқ эди.
"Бавария" таркибида бир қатор чиройли голларни киритганман. Қайси бири энг чиройлиси бўлган? Бу албатта "Ганза"га ўткир бурчакдан урган голим. Ўшанда бу гол йилнинг энг чиройли голи бўлганди. Шунингдек, 2001 йилги ЕЧЛ ярим финалида "Реал" дарвозасига киритган ҳал қилувчи голимни энг чиройлилар қаторида қўяман. Бу иккала голни ҳар доим завқ билан томоша қиламан", - дейди Жованни Элбер.

Элбер: "Ганза" ва "Реал"га урган голларимни ҳар доим завқ билан томоша қиламан"